LANJUTAN MATERI WAWANCARA

 

PANGJEMBAR BASA

1.      Struktur Wawancara

Kagiatan naon wae nu dilaksanakeun ku urang tangtu kudu aya rangkayna. Kitu deui, dina wawancara kudu puguh rangkayna. Saperti dina kagiatan umumna, struktur atawa adegan wawancara the kudu nyoko kana (1) bubuka, (2) eusi, jeung (3) pamungkas.

 

Bagian bubuka wawancara ilaharna eusina the nyoko kana salam pamuka, wawanohan antara nu ngawawancara jeung nu diwawancara, sastra jejer nu diwawancarakeun. Geura tengetan contona, aya wawancara anatara Ari Andriansyah (ti majalah Cupumanik (CM) jeung dalang Deden Kosasiih Sunarya (DKS) ti Lingkung Seni Putra Giri Harja 2, Jelengkong, Kabupaten Bandung. Kira-kira bubukana kieu :

CM      : Nepangkeun, abdi Ari Ardiansyah ti Majalah Cumpanik.

DSK    : Deden. Mangga linggih! Aya nu tiasa dibantos?

 CM     : Seja wawancara perkawis peranan dalang kana atikan.

Bagian eusi wawancara mangrupa Tanya jawab antara nu ngawawancara jeung nu diwawancara. Nu ngawawancara ngajukeun pananya, ari nu diwawancara nagajawab pananya.

Contona:

Cumpanik (CM):

Numutkeun saderek, kumaha sumbangan dalang kana atikan?

Deden Kosasih Sunarya (DKS):

Sumbangan dalang  kana atikan sipatna langsung jeung teu langsung. Sacara teu langsung dina unggal pagelaran wayang, dalang wajib mere luang atanapi atikan moral, make carita jeung falsafah pawayangan nu kawengku dina silib, sastra, jeung siloka. Atuh sacara langsungna, ngatik pribadi, kulawarga jeung lingkungan. Ari sacara rupa-rupa. Bisa ku obrolan atanapi ceramah di masjid. Nu mawi dalang teh kudu asak elmu jembar panalar dina agama jeung sosialna.

            Pananya-pananya anu diteupikaun ku nu ngawawancara muharep jawaban ti nu diwawancara. Jawaban-jawaban nu ti awawancara gumantung kana pananya diasongkeun , tapi umumna mangrupa kalimah atawa paragraph deskriptif (dadaran) jeung paragrap ekspositoris (pedaran). Najan kitu, bisa jadi aya paragrap argumentative (alesan).

            Bagian pamungkas mangrupa panutup tina kagiatan wawancara. Ilaharna eusina teh ngucapkeun nuhun kana waktu nu geus disadiakeun ku nu diwawancara, salam panutup, jeung omongan pamitan. Contona:

CM     : Hatur nuhun kana waktos nu parantos dosayogikeun. Hapunten parantos ngarewong kana waktosna. Mangga atuh. Assalamulaikum wr.wb.

DKS    : Sami-sami. Ulah kapok, nya. Mangga. Walaikumsalam wr.wb.

 

Tatakrama Kahirupan

 Tatakrama tina wawancara teh sarua bae jeunng tatakrama kahirupan dina umumna, nyaeta sopan santun dina gaul jeung papada jalma. Istilah “tatakrama” asalna tina kecap tata (basa Kawi) anu hartina ‘aturan, adat, atawa kaedah jeung kecap karma (Basa Sansekerta) anu  hartina ‘sopan, santun, kalakuan alus’. Jadi, tatakrama teh nyaeta adat atawa tata kasopanan dina paripolah campur gaul jeung papada jalma sangkan henteu kaliru atawa nyalahan tina pola kabiasaan masrakat anu geus pimuji.

Aturan sopan santuanna dina gaul teh disebutna etika. Istilah “etiket” (basa Prancis: etiquette)  anu hartia tata cara gaul anu alus jeung papada jalma. Istilah etket beda jeung etika (basa Laten: ethica), anu artina falsafah moral atawa padoman cara hirup anu anu bener dumasar kana aturan susila, budaya, jeung agama (Ceuk agam jeung darigama). Tuajuanana pikeun ngabina watek jeung mental anggota masarakat sangkan jadi manusia nu boga ahlak hade.

Tatakrama teh mibanda sababara pungsi, di antarana wae.:

1.      Pungsi pribadi (personal), pikeun nuduhkeun ajen pribadi hiji jalma;

2.      Pungsi sosial, pikeun nuduhkeun kapercekaan dina campur gaul;

3.      Pungsi kultural, pikeun nuduhkeun luhurna budi jeung adab budaya masarakat;

4.      Pungsi atikan (edukasional), [ikeun nuduhkeun cirina jalma anu boga elmu jeung atikan;

5.      Pungsi integratif, pikeun nuduhkeun silih ajenan antarpribadi dina hirup kumbuh masarakat; jeung

6.      Pungsi instrumental, pikeun nuduhkeun lemesna alat ngahontal tujuan.